အညာဂွင် တစ်ရိုးမှာဖြင့်
ဆရာတင်မိုး ရယ်က
တမာ ထနောင်းတွေပျိုး
ကဗျာမိုး ရွာလိုက်ပုံများ
အညာ ဓလေ့စရိုက်ကို
မြန်မာမှုနှင့်လိုက်အောင်ပနော…။
သနပ်ခါးတောသူခင်
ရှင်မတောင် မြင်ပြန်တော့လွမ်း
ရေချမ်းစင် မှုတ်နှင့်သောက်
ဇီးပင်အောက် နားတတ်သူ
တောကြားက မြေဖြူကို
ဖေ ကူမှဖြစ်မယ်တဲ့
စေတနာ ဗလပွနှင့်မှန်း
ရွာလမ်းက ကင်ပွန်းချုံ
ဂုဏ်တင်လို့တေးသံညည်း….။
အို…ဧည်သည်ကြီးရဲ့...
ဖန်မီးအိမ် ထိန်ထိန်ထွန်းပါလို့
လှေတစ်စင်းနှင့်သီချင်းသည်
ဟို…ပန်းဈေးခင်းဆီက
ထီးကလေးနှင့်မနီ
သိင်္ဂါရ ကဗျာတွေသီ
ခုတော့..နေညိုပြီပေါ့ဆရာရယ်…။
သန်းစိန်
26.11.09
ဧည့်သည်ကြီး (၀ါ) ကိုရင်ဂျမ်း
21.11.09
ခေတ်ချာတိတ်
ရွာထိပ်
ညောင်ပင်ရိပ်ကနတ်စင်
ရွာတော့်ရှင် နတ်ရုပ်
ဒါးကြီးဂုတ်ပေါ်ဝဲ
ဘယ်သူ့ခုတ်မှာလည်း အမေ...။
ရှူးးးးးးးးးးးးးး
တိုးတိုး...။
မပူဇော် မပသ
မုန့်ဖြူနီ မတင်ကြပဲ
ဘောင်တော်တွေ မဆက်ကြလျှင်တော့
ခုတ်မှာပေါ့ သားရယ်...။
သားကြောက်တယ် အမေ
ရွာသားတွေ ဘယ်နှစ်ယောက်သေပြီလည်း
ဟဲ ဟဲ ဟဲ...။ ။
သန်းစိန်
20.11.09
ကဗျာဆရာ
ကဗျာဈာန်
ကာရံ တောင်ပံအားနှင့်
ကောင်းကင်ယံ ပျံကာလွှား
တိမ်ညွန့်ကိုစားလေ၏...။
သူ့ခမျာ
မြေပြင်မှာ ဖိနပ်ဗလာနှင့်
အစာရှာ ဟိုကြည့် ဒီကြည့်...။
သန်းစိန်
19.11.09
အိမ်က ကိုအဝှာ ရေ့
တော့ ကဗျာမော်ဒန်
ကာရံကို မေ့ချင်မေ့...။
အိမ် ထရံ
ကာရန်တော့ မမေ့နဲ့တော်ရေ့...။
ကဗျာမှာကာရံမရှိတော့ ဆန်းတယ်ပေါ့။
အိမ်ထရံ ကာရန်မရှိတော့ ချမ်းတယ်တော့။ ။
သန်းစိန်
14.11.09
တားတော်မူလိုက်ပါနဲ့ ဘုရား
ရှင်တော်မြတ် ဘုရား
ကမ္ဘာကြီး ပျက်မည်ကြား၍
ပန်းများကို မသီအား
ငွေဖလားနှင့်သာ လက်ခံတော်မူပါ ဘုရား...။
ပန်းတွေ မောက်မောက်
ဒူးထောက် ပူဇော်
လှူပြီးသော် နောက်
တင်လျှောက်ပါရစေ ဘုရား...။
ဗေဒအကျော် ဝေဒမော်များ
တွက်ချက် ဟောကြား
မှားနှိုင်မည် မထင်ပါ ဘုရား...။
ခရာစ် သက္ကရာဇ်
၂ဝ၁၂
ကမ္ဘာကြီးပျက်မည့်နှစ်ပါတဲ့ ဘုရား...။
အကယ်၍ ပျက်မည်ဟုမှန်ငြားအံ့
ရှင်တော်မြတ် ဘုရား
တား တော်မူလိုက်ပါနဲ့ ဘုရား...။
ချစ်သူရည်းစား
ကတိစကား မပျက်
ကမ္ဘာ လဆန်း(၁)ရက်မှာ
လက်ထပ်လှည့်ပါတဲ့ ဘုရား...။
သန်းစိန်
(မှတ်ချက်)E-mailပေးပို့လာသောမိတ်ဆွေထံပြန်ကြားချက်
(ပေးစာ)ကိုမြတ်စံရေ့ ကြားပြီလား။ ကမ္ဘာကြီးပျက်တော့မယ် ဘာတွေပြင်ထားလဲ။...တဲ့7.11.09
ပြန်ခဲ့တော့မယ်
မင်းမမြင်
မင်းမသိ
မင်းမရှိတဲ့ အရပ်
ပျော်တယ်များမှတ်နေလား...။
နိုင်ငံခြား
နိုင်ငံခြားနဲ့
တတ်ထားတဲ့ ပညာအလကား
သိက္ခာလေး တစ်ပဲသားနဲ့
အောက်တန်းစားအလုပ်ကိုလုပ်
ထုတ်မပြောချင်ဘူးကွား...။
ကြမ်းတိုက် ပန်းကန်ဆေး
ဝန်မလေးတော့ဘူးဟေ့
အပြေးပြန်ခဲ့မယ်...။
ခင်ရယ်
အိမ်ဖေါ်မလေး
အနားပေးလိုက်ပါတော့ကွယ်...။
သန်းစိန်